Vader Help!

’n Man genaamd Wouter het eendag te naby aan die rant van ’n steil krans geloop toe sy voet per ongeluk gly en hy val. Terwyl hy na benede val gryp hy ’n tak van ’n boompie wat uit een van die skeure van die krans helling groei. Die boompie breek sy val vir eers. Hy kyk beangs na benede en met ’n skok besef hy dat die kloof nog vir ’n verdere 250 meter reguit af gaan na onder. Hy kon nie vir ewig aan die tak vasklou nie en daar is nie ’n manier wat hy die steil rotswand sal kan uitklim na bo nie.

Wouter het benoud begin uitroep om hulp in die hoop dat iemand daar sal verby gaan en hom dalk hoor. Die kan dalk vir hom ’n tou afgooi of iets doen om hom te red.
“HELP! HELP! Is enige iemand daarbo? HELP!” het hy vir ’n lank tyd uitgeroep, maar helaas niemand het hom gehoor nie. Hy was op die punt om moed op te gee toe hy ’n stem hoor.

“Wouter, Wouter. Kan jy my hoor?”

“Ja, ja! Ek kan jou hoor. Ek is hier onder!”

“Ek kan jou sien Wouter. Is jy ongeskonde?”

“Ja, maar wie is jy en waar kom jy vandaan?”

“Ek is die Almagtige, Wouter. Ek is oraloor.”

“Die Vader? U bedoel God?

“Dis Ek.”

“Vader, asseblief help my! Ek belowe, as U my red uit die verknorsing, sal ophou om te sondig. Ek sal ’n baie goeie mens word. Ek sal U getrou dien vir die res van my lewe.”

“Stadig eers met al die beloftes, Wouter. Kom ons kry jou eers uit die penarie dan gesels ons weer.”

“Luister nou baie mooi, dis wat ek wil hê jy moet doen.”

“Ek sal enigiets doen Vader. Vertel my net wat om te doen.”

“Mooi so. Laat los die tak waaraan jy vasklou.”

“Wat!”

“Ek sê, los die tak. Vertrou My net. Laat los.”

Daar was ’n lang stilte.

Uiteindelik roep Wouter, “HELP! HELP! IS ENIGE IEMAND ANDERS DAAR BO?”

Het jy al ooit soos Wouter gevoel? Ons sê dat ons die wil van Yahweh wil ken maar sodra ons uitvind wat dit is, kan ons dit nie hanteer nie. Dit klink te moeilik en te gevaarlik. Ons besluit om liewers iewers anders om hulp te gaan soek. Wanneer Hy sê, “Laat los die dinge wat tussen jou en My staan en vertrou my met jou lewe,” klink dit vir ons te gevaarlik en glo ons nie dat daar vir ons redding daarin sal wees nie. Maar wanneer ons wel laat los vind ons vrede en veiligheid in Sy hande.

Môre Weer

Diamante en Klippe

Die ou Muil en die Put

Die verhaal word vertel van die boer wat ’n ou muil gehad het. Die muil het in die boer se put op sy plaas geval. Die boer het vreeslike gebalk van die muil tot by die plaashuis gehoor nadat die in die put geval het.
Nadat die boer die hele situasie opgesom het, het hy besluit dat nie die muil of die put is die moeite werd om te red nie, want die muil is reeds lankal oor die wal en die put is reeds vir jare droog. Hy het sy bure geroep en hulle ingelig wat gebeur het met die muil en die put en terselfdertyd hulle gevra om hom te help om die put op te vul met grond en dan sommer so ook die muil te begrawe in die put. Dit sou die muil verlos uit sy ellende en sommer die gevaar van die oop put ook oplos.

Aanvanklik was die ou muil vreesbevange. Maar soos wat die boer en sy bure die grond in die put ingooi en dit alles op sy rug val .......kom die gedagte by hom op. Hy moet eerder elke keer nadat die graaf grond op sy rug geval het, sy rug skud en bo op die grond klim. So het hy dan gedoen, graaf na graaf grond. “Skud dit af en klim op ........ skud dit af en klim op ....... skud dit af en klim op!” Die deuntjie het hy keer op keer in sy gedagtes herhaal maak nie saak hoe seer die vrag grond sy rug gemaak het nie of hoe benoud hy geraak het nie, hy het net aanhou en skud en bo op die hopie grond geklim.

Dit was nie lank gewees voordat die ou muil beseer en uitgeput triomfantelik oor die keer muurtjie van die put geklim het nie! Wat gelyk het asof dit hom gaan begrawe was op die einde toe uiteindelik ’n seën ........ net omdat hy geweet het hoe om die gevare te hanteer wat teen hom aangestorm het.
Indien ons ons probleme van aangesig tot aangesig aanspreek, positief daarop reageer, weier om toe te gee aan paniek, vrees en self bejammering sal die gevare wat teen ons aanstorm om ons te begrawe gewoonlik binne hulself die potensiaal hê om ons tot voordeel en tot seën te strek.

Mag o.n.a. Almagtige Vader u die week seën, “skud die boeie af en klim uit die put” waarin jy jouself bevind.

Phil 4:13
Ek is tot alles in staat deur Christus wat my krag gee.

Sterkte van ’n Glimlag

Glimlag

Probleme haat niks so intens soos ’n glimlag nie.

God se Liefde

Lê nie in harde woorde nie,
Nee, dis ’n sagte ritseling in die wind,
’n briesie deur jou hare,
liefdeswoorde van ’n kind.

Die blare wat roer,
’n voëltjie se fluit.
Sy aanraking so sag soos ’n vlinder se landing,
’n drukkie van ’n kind.

Soos ’n bloeisel bot,
So is die liefde van God.
Niemand weet hoe dit begin,
Of waar dit vandaan kom.

Jy’s die vonkel in Sy oog,
Hy plaas ’n huppel in jou stap.
Hy kan nie wag dat jy opstaan,
En tyd saam met Hom spandeer.

Hy wag vir jou lofprysing,
Hy wag dat jy Hom eer.
Hy wil jou so graag vandag seën,
Al is dit met ’n bietjie reën.

Die gedagte aan jou maak Hom opgewonde.
Uit die hemel kyk Hy op jou neer,
Terwyl Hy jou met liefde leer,
Sal Hy al jou probleme wegvee.
En jou voete staan stewig,
Jou gemoed standvastig,
Jou hoop gevestig op Hom.

Lê vandag weer jou lewe voor Sy voete neer,
Saam met Hom gee jy elke tree,
Bly wandel in al Sy weë
En Hy sal jou gee,
Wat jou hart begeer.