Monday, December 5, 2011

Gebed vir my Boerevolk


Ek wil graag net eers so bietjie agtergrond gee oor die gebed. Die vorige Sabbat tydens my stiltetyd het daar ’n geweldige behoefte in my hart ontstaan om spesiaal vir ons Boerevolk te bid. Die nood van ons volk is so groot en ek dink dat ons seker baie naby aan die laagste punt is wat die volk ooit in sy geskiedenis was. Die volk is verslaan deur sy eie hebsug en boosheid.

Tydens my gebed vir die volk het ek die krag van die Heilige Gees in my hart ervaar om die gebed te rig en die woorde te spreek tot die troon van die Almagtige, Lewende, Elohim. Ja, ek het miskien die woorde uitgespreek maar dit is aan my gegee deur die krag van die Gees van YHWH. Die woorde was vir my aangrypend en ek het dit neergeskryf sodat ek dit nie sou vergeet en kon deel met ’n paar mede volksgenote. Ek is so dankbaar dat te midde van die donker nag waarin ons as volk verkeer kan ons tog ons aangesig wend tot die Almagtige en Hy sal luister na die smekinge van ons hart, maar dan sal ons moet kom en die saak uitmaak met Hom. Ons sal ons moet bekeer van ons verkeerde weë, slegs dan sal Hy ons paaie weer gelykmaak.
Ons is ’n afgesonder volk vir Hom en ons sal so moet begin leef as ons wil oorleef.


Gebed

Dierbare Vader YHWH, Majesteit van alle Heerlikheid en Genade. Wil U vandag U oor neig tot die smeekgebede van U dienskneg. Vader, ek wat maar ’n nietige stoffie van U skepping is, maar wat U opgehef het deur U grote genade om voor U Almag te mag verskyn.

Vader, waarmee sal ek U vereer? Watter offers sal ek aan U bring. Goud en silwer, die het ek nie, maar wat sal dit baat, want U het die skatkamers van die aarde daarmee gevul asof dit stof is. Diere offers die verlang U nie. Die woorde van my mond is nie in staat om U grote Almag en Heerlikheid te besing nie.

Al wat ek kan offer YHWH is ’n sondige en gebroke hart. Wil U dit neem en dit nuut maak. Gee my ’n hart van vlees en neem die hart van klip van U dienskneg weg sodat ek U in opregtheid en met ’n volkome hart U kan liefhê en dien.

Abba Vader wil U vanoggend genade betoon met U dienskneg en U Boerevolk wat U uitverkies het. YHWH, U het ons voorvaders gegryp uit Europa toe die vervolging teen U volk in felheid toegeneem het. U het die kosbare loot van U wingerd kom plant aan die Suidpunt van Afrika. U het ons versorg sodat ons kon groei tot ’n pragtige wingerd in U boord.
Ja, Vader, U moes soms die wingerd snoei en van die wilde lote uitsny sodat ons kon vrug dra vir ons Meester.

Maar vandag Dierbare Koning, verkeer ons in groot benoudheid, want die wilde wese van die veld het die muur om die wingerd afgebreek en kap al die lote af. Die jong lote word vertrap onder die voete van die barbaar. Die jong vruggies word geplunder en op die grond gewerp. Daar is geen respek vir die lewe van oud of jonk. Die ou man en vrou word met geweld neergewerp. Die jonge dogter van U volk word verneder en verkrag deur die boosheid wat in die nag wandel. Die jongman word sy krag ontneem en word neergevel in ongekende wreedheid.

Majesteit! Genadige Ewige Alleenwyse Elohim, sien ons aan in genade. Red ons Vader, want U kinders is besig om te vergaan. U volk roep met ’n luide stem na hul Verlosser.

Die slaapplekkie van die Dogter van Sion in die koel komkommer tuin word ’n woesterny gemaak, die heining van U tuin word platgemaak en die wilde wese van die veld baljaar met geweld op U volk.

O, Majesteit, ja verseker verdien ons die straf wat oor ons gebied is, want U volk het ’n trotse en verwaande volk geraak wat vêr weggedwaal het van hul Herder. Ons het dit wat suiwer was voor die varke en die honde gewerp. U volk het ooreenkomste gesluit met dié wie dit uitdruklik verbied is.
Die volk het begin om die gode van ’n bose volk aan te hang en hul te dien.
Ons eersgebore reg het ons verruil vir die afgode van ’n bose wêreld.

Majesteit YHWH, vind genade in U hart vir U geliefde, ons was ontrou aan U maar verwerp ons nie vanweë ons oortredinge nie. Wil U dat ons die verbond sal vernuwe. Dat ons sal terugkeer na U met ’n opregte hart. Vergewe ons, ons menigvuldige oortredinge, ons ongehoorsaamheid aan U Torah.
Vader ons is so jammer vir die hartseer en pyn wat ons U aangedoen het. Vanweë ons eie keuse het ons onsself gedompel in ’n put van diepe droefheid en donkerte, ons het die besoedeling aangegryp en die afgode van ’n bose wêreld gedien. Die leuen predikers het van hul verhewe preekstoele vir die volk gelieg en hul mislei. Hul het hulle gelei soos slagvee na die slagplaas.

Ons smeek U om genade en barmhartigheid vir U dienskneg en U diensmaagd. Laat ons kom en die saak regmaak met U Koning van alle Heerlikheid. Vergewe ons, ons oortredinge want dit het soos ’n berg skeiding gemaak tussen ons en U. Wil U in U groot genade hierdie berg van oortredinge wegvee, wil U daar nie meer aan dink nie.
Laat U volk hulself voor U aangesig verootmoedig Vader.

Dink nie meer aan ons oortredinge en neem hier plaag wat U wingerd vernietig en U komkommer tuin verwoes weg van U volk. Laat ons weer vir U ’n gehoorsame volk wees sodat ons genade en barmhartigheid uit U hand kan ontvang.

Vader YHWH help ons om vandag vir ons mede volksgenoot lief te wees, dat ons mekaar se laste sal dra en die hand van ondersteuning sal uitstrek na hul wat om hulp roep. Help ons om U vandag te dien soos die bruid haar Bruidegom dien en liefhet sodat ons in gehoorsaamheid sal luister na U stem van lering en vermaning.

Gryp vandag U Boerevolk aan Vader en betoon barmhartigheid en genade aan ons te midde van die stryd wat ons voer om oorlewing. Maak ons standvastig in ons geloof in U, sodat ons nie sal wankel in die donker van die nag wat oor U volk gekom het nie.

Maak ons rein van hart en hande en gee ons die krag om standvastig te bly al moet ons lei terwille van ons geloof en liefde vir U.

Luister vanoggend na die smeekgebed van U dienskneg YHWH en wil U, U liefde, genade en barmhartigheid oor my en my Boerevolk gebied.

Amein

No comments: