Hoofstuk 46
1 GELIEF deur Elohim en adamiet was Moshè - salige nagedagtenis!
2 En Hy het hom verhoog en apartgestel, en Hy het hom sterk gemaak in verhewe dinge.
3 Deur sy woorde het hy wondertekens verhaas, en Hy het hom sterk gemaak in teenwoordigheid van die koning. En Hy het hom bevel gegee aangaande Sy volk en Hom Sy Glansrykheid laat sien.
4 Op grond van sy betroubaarheid en nederigheid het Hy hom uit alle vlees verkies.
5 En Hy het hom Sy stem laat hoor en hom laat nader kom na die donker Wolkkolom. En Hy het die Gebod in sy hand geplaas, die Wet van die Lewe en van Kennis; om in Jakob Sy Verbonde te leer, en Sy Regsprake aan JisraEl.
Aäron en Pínehas.
6 EN die het Aäron, die aparte, van die stam van Levi, verhef
7 en met hom ‘n ewige Verbond gesluit, en priesterskap op hom geplaas; en hy het Hom gedien in Sy Glansrykheid, en Hy het hom omgord soos die horings van ‘n wilde os; en Hy het hom beklee met klokkies,
8 en Hy het hom beklee met suiwere skoonheid, en Hy het hom versier met Glansrykheid en Sterkte: met broeke, onderkleed en oorkleed;
9 en Hy het hom omring met belletjies en ‘n menigte granate rondom om ‘n lieflike klank te gee in sy voetstappe, om in die Apartheidsplek sy geluid te laat hoor, as ‘n herinnering vir die kinders van sy volk:
10 met die kledingstukke van Apartheid, van goud en koningsblou en purper, ‘n werk van die ontwerper; met die borslap van gerig, die efod en gordel,
11 en met karmosyn draad, ‘n werk van die wewer; met kosbare stene op die borslap, seël-ingraveringe in hulle monture, elke kosbare steen is ter herinnering in gegraveerde skrif, volgens die getal van die stamme van JisraEl.
12 Met ‘n kroon van suiwer goud bo-op die tulband, en die inskripsie van Apartheid, met seël-ingraveringe - pragtige sieraad, magtige roemteken, die begeerte van die oog en volkome skoonheid!
13 Voor hom was dit nie so nie, en tot in ewigheid sal ‘n verbasterde hom nie so klee nie; so is dit alleen vir hom en sy seuns, en so vir hulle geslagte.
14 Sy bydraes is volkome verteer, twee keer elke dag, voortdurend.
15 Moshè het hom in die amp gestel, en hy het hom met olie van Apartheid gesalf; en sy was vir hom ‘n ewige Verbond en vir sy saadlyn volgens die dae van die Hemele om [Hom] te dien en vir Hom die priesterlike amp te vervul en om Sy volk in Sy Naam te seën.
16 En Hy het hom verkies uit al wat lewe om aan JaHWeH die brandoffer en vetstukke nader te bring en om ‘n lieflike reuk te berei as ‘n gedagtenis en om versoening te doen oor die kinders van JisraEl.
17 En Hy het aan hom Sy Gebooie gegee, en Hy het aan hom gesag gegee oor Insettinge en Reg, dat hy Sy volk die Insettinge mag leer, en die Reg aan die kinders van JisraEl.
18 Maar vreemdes was vertoorn op hom en hulle was naywerig teen hom in die wildernis; die manne van Datan en Abíram, en die vergadering van Korag in die krag van hulle toorn.
19 Maar JaHWeH het dit gesien en vertoornd geword en hulle vernietig in die gloed van Sy Toorn: en Hy het hulle tot Teken gestel en hulle verteer met die vlam van Sy Vuur.
20 En Hy het vir Aäron Sy Glansrykheid vermeerder en hom sy Erfdeel gegee: die gewyde gawes het Hy vir hom as voedsel gegee;
21 die vuurbereidings van JaHWeH kon hulle eet; die toonbrode was sy deel, en die spysbydraes vir hom en sy saadlyn.
22 Maar in die Aarde van die volk mag hy nie erwe nie, en onder hulle mag hy die erfenis nie deel nie; die vuurbereiding van JaHWeH is sy deel en sy erfenis te midde van die kinders van JisraEl.
23 En ook Pínehas, die seun van El-Azar het deur manmoedigheid die derde plek geërwe op grond van sy ywer vir Elohim in alles, en dat hy gestaan het in die bres van sy volk, en sy hart hom daartoe genoop het, en hy versoening gedoen het oor die kinders van JisraEl. [Númeri 25]
24 Daarom het Hy ook vir hom ‘n Insetting vasgestel, ‘n Vredesverbond om die Apartheid te onderhou: dat vir hom en sy saadlyn sal wees die hoëpriesterskap tot in ewigheid. [Númeri 25]
25 En Sy Verbond was ook met Dawid, die seun van Isai uit die stam van JeHûWdah; die erfenis van die koning is vir sy seun alleen, terwyl die erfenis van Aäron vir sy hele saadlyn is. En nou, loof tog JaHWeH, die Suiwere, wat julle kroon met Glansrykheid;
26 mag Hy vir julle gee Wysheid van hart om Sy volk te rig in Geregtigheid; dat julle voorspoed nie vergeet mag word nie, en [ook nie] julle heldhaftigheid vir ewige geslagte nie.
Hoofstuk 47 JeHôWshua, Kaleb en die Rigters.
1 ‘N MAGTIGE dappere was JeHôWshua, die seun van Nun, ‘n dienaar van Moshè in die profetiese amp, wat geformeer was om in sy dae te wees ‘n groot Verlossing vir sy uitverkorenes, om wraak te neem op [die wraakneminge van] die vyand, en om JisraEl in hul erfenis te plaas.
2 Hoe glansryk was hy toe hy sy hand uitgestrek het en toe hy die Swaard teen die stede geswaai het!
3 Wie is hy wat voor haar stand kon hou, want JaHWeH self het SY vyande na hom gebring.
4 Het die son nie deur sy toedoen gestaan, [sodat] een dag soos twee geword het nie?
5 Want hy het tot El, die Hoogste El, geroep toe hy in nood was met vyande rondom [hom]; en El, Hoogste El het hom geantwoord met haelstene en stukke ys;
6 en Hy het dit gewerp op die vyandige volk, en in die neerdaling het Hy die wat opgestaan het, vernietig, sodat elke volk wat vir die banvloek bestem is, mag weet dat JaHWeH op hulle oorloë let; en ook omdat hy volkome agter die Almagtige gevolg het,
7 en in die dae van Moshè vroom gehandel het, hy en Kaleb, die seun van Jefúnne, om vas te staan toe die vergadering losgebreek het, om die toorngloed van die vergadering af te wend en om die besoedelde gerug te laat ophou;
8 daarom is ook hulle twee behou uit die seshonderdduisend voetgangers om hulle na hulle Erfdeel te bring, ‘n Aarde wat vloei van melk en heuning.
9 Ook het Hy aan Kaleb Sterkte gegee, en tot die grysheid het dit by hom gebly, om hom te laat tree op die hoë plekke van die Aarde, en ook het sy saadlyn ‘n Erfdeel beërwe,
10 sodat die hele saadlyn van Jakob kan weet dat dit goed is om volkome agter JaHWeH aan te gaan.
11 Ook die Rigters, elkeen met name, elkeen wie se hart nie mislei is nie en wat nie weggedraai het van agter JaHWeH vandaan nie; mag hulle nagedagtenis tot ‘n seën wees.
12 Mag hulle gebeente uitspruit uit hulle plek, en hulle naam hom vernuwe vir hulle kinders.
ShemuEl.
13 BEMINDE van sy volk en een wat welgevallig was vir sy Maker was hy wat gevra was van die skoot van sy moeder af; ‘n Separatis van JaHWeH in die profetiese amp: ShemuEl, wat opgetree het as rigter en as diensdoende priester. Deur die Woord van JaHWeH het hy die koningskap opgerig en het hy vorste oor die volk gesalf.
14 Deur middel van die Wet van JaHWeH het hy aan die vergadering bevel gegee en het hy die Elohey van Jakob gesoek.
15 Deur sy betroubaarheid is die siener gesoek, en ook in sy woord is die siener getrou bevind.
16 Ook het hy tot Elohim geroep toe hy in nood was vanweë sy vyande van rondom, terwyl hy ‘n lammetjie wat nog drink, aangebied het.
17 En JaHWeH het vanuit die Hemele laat donder, in ‘n geweldige gekraak is SY Stem gehoor,
18 en Hy het die garnisoen van Tirus onderwerp en al die vorste van die Filistyne vernietig.
19 En die tyd toe hy op sy bed gelê het, het hy JaHWeH en Sy Gesalfde tot Getuie geroep: ‘n losprys en ‘n borg - van wie het Ek [dit] geneem? En niemand het hom geantwoord nie. En ook tot die tyd van sy einde is hy wys bevind in die Oë van JaHWeH en in die oë van al wat lewe.
20 En selfs na sy dood is hy gesoek en het hy aan die koning sy weë bekend gemaak; en hy het uit die Aarde sy stem verhef in ‘n profesie om die besoedeling van die volk te laat ophou.
Hoofstuk 48 Dawid.
1 EN dan na hom het Natan opgestaan om homself voor Dawid te stel.
2 Want soos die vet wat weggeneem is van die slagdier, so was Dawid [weggeneem uit die kinders] van JisraEl.
3 Met jong leeus het hy gespeel soos met ‘n bokkie, en met bere soos met die kalfies van Basan.
4 In sy jeug het hy die reus verslaan en het hy die ewige belediging weggeneem toe hy sy hand met die slinger geswaai het en die trots van Goliat verbreek het.
5 Want hy het JaHWeH, die Hoogste El, aangeroep en Hy het Krag van Sy Regterhand gegee om die man wat vertroud was met oorloë, neer te vel, en om die horing van sy volk te verhoog.
6 Daarom het die dogters vir hom toegesing en hom ‘n erenaam gegee onder tienduisend. Toe hy die kroon opgesit het, het hy geveg
7 en van rondom die vyand onderwerp, en hy het die Filistyne kaal geplunder, en tot op hierdie dag het hy hulle horing verbreek.
8 In al sy werke het hy dank betuig aan El, die Hoogste El, in eerbare woorde; met sy hele hart het hy sy Maker liefgehad, en elke dag het hy Hom aanhoudend geloof.
9 Musiek van snaarinstrumente vir die altaar, en die sing van psalms met harp [-begeleiding] het hy ingestel.
10 Aan die Feeste het hy aantrek-likheid gegee, en hy het die feestye deur die jaar heen vasgestel, wanneer hy die Naam van Sy Apartheid loof, en die regspraak voor die môre weerklink.
11 Ook het JaHWeH sy oortreding vergewe en sy horing vir ewig verhef. En Hy het aan hom die insetting van die koningskap gegee, en sy troon oor Jerusalem vasgestel.
Salomo.
12 TER wille van hom het ná hom opgestaan ‘n wyse seun wat veilig gewoon het.
13 Salomo was koning in sorgelose dae, en Elohim het hom rus gegee van rondom, hy wat ‘n Huis vir Sy Naam opgerig het en vir altyd ‘n Plek van Apartheid daargestel het.
14 Hoe wys was u in u jeug, en [hoe] het u oorgevloei van onderrig soos die Nyl!
15 Die Aarde het u bedek met u insig, en met ‘n verhewe lied het u geloof.
17 Deur liedere, spreuke, raaisels en gelykenisse het u volke verbaas.
16 Tot verafgeleë eilande het u naam gereik, en hulle het gekom om u te hoor.
18 Deur die Naam JaHWeH, die eerbare Naam wat oor JisraEl uitgeroep is. U het goud opgehoop soos yster, en soos lood het u silwer vermeerder.
19 Maar u het u lendene aan vroue gegee en u het hulle laat heers oor u liggaam.
20 En u het u eer bevlek en u het u saad besoedel en toorn oor u saadlyn gebring oor die gekheid in u bed;
21 So is [die volk verdeel] tussen twee septers, en uit Efraim het ‘n koninkryk van rebelsheid [ontstaan].
22 Nogtans het JaHWeH [sy] Guns nie ingetrek nie en Hy het geeneen van Sy Woorde op die Aarde laat val nie. Hy sal die saad en afstammelinge van Sy uitverkorenes nie uitroei nie, en hulle wat Hom liefhet, sal Hy nie vernietig nie; en aan Jakob sal Hy ‘n oorblyfsel gee, en vir Dawid ‘n wortel uit hom.
23 En Salomo het in Jerusalem ontslaap en het na hom die onnoselste saad nagelaat. Ruim in Dwaasheid en met gebrek aan Insig het Rehábeam deur sy raad die volk laat rebelleer. Toe het opgestaan - Jeróbeam, die seun van Nebat, wat oortree het en wat JisraEl die Wet laat oortree het en vir Efraim op pad na besoedeling gelei het,
24 sodat hulle weggedryf het van hulle grond; en hulle oortreding het baie groot geword,
25 en aan alle [vorme van] kwaad het hulle hulself oorgegee, totdat wraak hul oorkom het.
Hoofstuk 49 EliJaHûW en EliShua
1 TOTDAT daar opgestaan het, EliJaHûW, ‘n profeet soos vuur, en sy woorde het gebrand soos ‘n oond.
2 En hy het vir hulle die staf van brood gebreek, en deur sy ywer het hy hulle min gemaak.
3 Deur die Woord van JaHWeH het hy die Hemele gesluit, en drie maal het hy vuur laat neerdaal.
4 Hoe ontsagwekkend was jy, EliJaHûW! Wie soos jy is, sal verglans word,
5 wat ‘n liggaam uit die Dood laat opstaan, en uit die Doderyk/Sheol, volgens die welbehae van JaHWeH;
6 wat konings laat neerdaal het na die kuil, en hulle wat geëerd was, uit hulle [siek-] beddens;
7 wat op Sinai berispinge van JaHWeH gehoor het en op Horeb oordele van wraak.
8 Wat konings vir die vergelding gesalf het en ‘n profeet om plaasvervanger in jou plek te wees;
9 Wat opwaarts geneem is in ‘n warrelwind en deur vurige perde na die hoogte.
10 Wie, soos geskryf is, gereed gehou is vir die tyd om die Grimmigheid voor die Toorngloed te stil, om die hart van die vaders na die kinders te laat terugkeer en om die stamme van JisraEl te herstel. [Maleági 4:6]
11 [Geseënd] is hy wat jou gesien en gesterwe het, [want inderdaad sal hy bly lewe].
12 EliJaHûW is verberg in die warrelwind, en EliShua is vervul met sy gees. In dubbele maat het hy tekens vermenigvuldig, en wonderbaar was alles wat uit sy mond voortgekom het. In sy dae het hy vir niemand uit die pad gegaan nie, en geen sterfling het oor sy gees geheers nie;
13 niks was vir hom te wonderbaar nie, en uit sy graf het sy vlees geprofeteer.
14 Gedurende sy lewe het hy wonderbare dinge gedoen, en in sy dood verbasende werke.
15 Ten spyte van al hierdie dinge het die volk hulle nie bekeer nie en nie opgehou met hulle oortredinge nie; totdat hulle geruk is uit hulle grond en verstrooi is oor die hele Aarde. En vir JeHûWdah is daar min oorgelaat, en net nog ‘n prins vir die huis van Dawid.
16 Sommige van hulle het gedoen wat Reg is, en sommige van hulle het vreeslike oortreding bedryf.
JegizkiJaHûW en JeshaJaHûW.
17 JEGIZKIJAHÛW het sy Stad versterk deurdat hy water in die midde van haar gebring het; en hy het rotse soos koper deurgekap en die poel met berge opgedam.
18 In sy dae het Sanherib opgetrek en die Rábsake gestuur en sy hand teen Sion uitgestrek, en hy het in sy trotsheid gelaster.
19 Toe is hulle geskud in die trotsheid van hulle hart, en hulle het gebewe soos een wat baar.
20 Toe het hulle tot JaHWeH geroep en die hande na Hom uitgebrei. En die Aparte Een het die stem van hulle gebed gehoor en hulle verlos deur die hand van JeshaJaHûW.
21 En Hy het die leër van Assirië geslaan en hulle verstrooi deur ‘n plaag.
22 Want JegizkiJaHûW het gedoen wat goed was, en hy was sterk in die Weë van Dawid, soos JeshaJaHûW, die profeet, hom beveel het, wat groot en betroubaar was in sy gesigte.
23 In sy dae het die son gestaan, en hy het tot die lewe van die koning toegevoeg.
24 In die Krag van die Gees het hy die toekoms gesien en die treurendes van Sion getroos.
25 Tot die ewigheid toe het hy bekend gemaak wat sou wees, en die verborge dinge voor dit gebeur.
Hoofstuk 50 Van JoshiJaHûW tot NegemJaH.
1 DIE naam van JoshiJaHûW is soos welriekende reukwerk wat goed gemeng is, die werk van ‘n salfmenger. Sy nagedagtenis is soet vir die verhemelte soos heuning en soos ‘n psalm op ‘n wynfees.
2 Want hy was bedroef oor Ons afkerigheid en het die ydele gruwels laat ophou;
3 en hy het sy hart volkome aan JaHWeH gegee, en in dae van geweld het hy vroom gehandel.
4 Behalwe Dawid, JegizkiJaHûW en JoshiJaHûW, het hulle almal verderflik gehandel en die Wet van die Hoogste El verlaat: die konings van JeHûWdah, tot hulle einde toe.
5 En Hy het hulle mag aan ander gegee en hulle glorie aan ‘n vermengde [en] dwase volk;
6 en hulle het die Stad van Apartheid aan die brand gesteek en haar paaie verwoes deur die hand van JirmeJaHûW;
7 omdat hulle hom verdruk het, terwyl hy van die moederskoot geformeer is as profeet om uit te ruk en om te gooi en te vernietig en te verwoes en om so te bou en te plant en te versterk.
8 JeségiEl het ‘n visioen gesien en die Gérubs van die strydwa bekend gemaak;
9 en ook het hy herinner aan Job wat elke woord in Geregtigheid gehoorsaam het.
10 En ook wat die Twaalf Profete betref - mag hulle bene uitspruit uit hulle plek, hulle wat Jakob genees het en wat hom gered het deur bestendige hoop.
11 Hoe sal Ons Serúbbabel kan grootmaak, hy wat soos ‘n seëlring aan die regterhand was,
12 en ook Jehshua die seun van JôWtsadak, wat in hulle dae die Tempel gebou het en die Tempel van Apartheid verhef het, wat bestem was vir ewige Glansrykheid.
13 NegemJaH, eerbaar is sy nagedagtenis! Hy wat Ons puinhope weer opgerig het en Ons puinhope herstel het, en poorte en grendels daargestel het.
Glansrykheid van Adam.
14 MIN is op die Aarde geformeer soos Henog, en ook hy is van die aangesig weggeneem.
15 Was ooit iemand soos JôWsef gebore? En ook sy liggaam is versoek.
16 Ook Sem en Set en Enos was hoog geëer, maar meer as enige lewende skepsel.
No comments:
Post a Comment